Mariing kinontra ni House Deputy Majority Leader at Iloilo Rep. Lorenz Defensor ang sinabi ni Vice President Sara Duterte na magiging ‘bloodbath’ ang gagawing impeachment trial sa kanya.
Giit ni Defensor na miyembro ng House Prosecution Panel, hindi ‘bloodbath’ ang impeachment trial kundi paghahanap ng katotohanan at pananagutan.
Ayon kay Defensor, ang marapat lang gawin ng prosecution at defense panels ay paghandaan ang impeachment trial na ikakasa ng Senado bilang impeachment court sa pagbubukas ng ika-20 Kongreso.
Diin ni Defensor, hindi kailangan maging bloodbath o madugo ang impeachment trial dahil ang mahalaga lang naman ay maging malinaw ang pagkakalatag ng ebidensya ng prosecution at ng defense teams.
Facebook Comments
