Ramdam na rin ng ilang micro, small and medium enterprises o MSMEs sa Pangasinan ang epekto ng patuloy na pag-ulan at pagbaha, partikular sa kanilang kita at operasyon.
Sa panayam ng iFM News Dagupan, sinabi ni Department of Trade and Industry Pangasinan Provincial Director Natalia B. Dalaten na patuloy na mino-monitor ng ahensya ang kalagayan ng mga MSME na naaapektuhan ng masamang panahon.
Kabilang sa direktang naaapektuhan ang mga negosyo sa food sector gaya ng mga karinderya. Kapag malakas ang ulan o binabaha ang mga komunidad, nababawasan ang bilang ng mga customer at kasabay nito ang kanilang arawang kita.
May ilang maliliit na negosyante na simula pa noong Agosto ay nakararanas na ng epekto ng sunod-sunod na pagbaha.
Hindi rin ligtas sa epekto ang manufacturing sector. Nagiging hamon sa ilang negosyo ang transportasyon at pagkuha ng mga kinakailangang materyales at supplies kapag may mga kalsadang binabaha o mahirap daanan.
Sa panayam ng iFM News Dagupan, sinabi ni Department of Trade and Industry Pangasinan Provincial Director Natalia B. Dalaten na patuloy na mino-monitor ng ahensya ang kalagayan ng mga MSME na naaapektuhan ng masamang panahon.
Kabilang sa direktang naaapektuhan ang mga negosyo sa food sector gaya ng mga karinderya. Kapag malakas ang ulan o binabaha ang mga komunidad, nababawasan ang bilang ng mga customer at kasabay nito ang kanilang arawang kita.
May ilang maliliit na negosyante na simula pa noong Agosto ay nakararanas na ng epekto ng sunod-sunod na pagbaha.
Hindi rin ligtas sa epekto ang manufacturing sector. Nagiging hamon sa ilang negosyo ang transportasyon at pagkuha ng mga kinakailangang materyales at supplies kapag may mga kalsadang binabaha o mahirap daanan.
Kapag naaantala ang pagdating ng mga materyales, naaantala rin ang produksyon at operasyon, na maaari pang magresulta sa pagkalugi o pagbaba ng kita.
Bilang tugon, nagpapatuloy ang DTI sa monitoring at pagbibigay ng suporta sa mga apektadong MSMEs.
Kabilang dito ang Business Continuity Planning o BCP upang matulungan ang mga negosyo na makapaghanda at maipagpatuloy ang operasyon sa panahon ng kalamidad.
Isinasagawa rin ang profiling ng mga maaaring makinabang sa Pangkabuhayan sa Pagbangon at Ginhawa o PPG program.
Payo ng DTI sa mga MSME na magkaroon ng kaukulang paghahanda at contingency measures, lalo na kapag may mga weather advisory na maaaring makaapekto sa kanilang negosyo at operasyon. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
Facebook Comments
