Arestado sa isinagawang manhunt operation sa Barangay Barangka Itaas, Mandaluyong City, Manila, nitong umaga ng Agosto 17, 2026 ang itinuring na Top 1 Most Wanted Person sa La Union.
Kinilala ang suspek bilang isang 38 anyos na construction worker at residente ng Rosario, La Union.
Naaresto siya sa bisa ng warrant of arrest para sa dalawang bilang ng Qualified Rape, kung saan walang inirekomendang piyansa.
Pinangunahan ng Rosario Police Station ang operasyon, katuwang ang La Union Police Intelligence Unit (LUPIU), Regional Intelligence Unit 1, Regional Intelligence Division 1 (RID 1), at 2nd La Union Provincial Mobile Force Company (2nd LUPMFC).
Nasa kustodiya na ngayon ng Rosario Police Station ang akusado para sa kaukulang dokumentasyon at disposisyon bago ito i-turn over sa korte na naglabas ng warrant. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
Facebook Comments
