Mga paaralang kalahok sa limited face-to-face classes, nadagdagan pa

Umabot na sa 6,121 na mga paaralan sa buong bansa ang nagsasagawa ng expansion phase ng limited in-person classes.

Ito ay mas marami kumpara sa 4,315 na paaralan na kalahok sa limited in-person classes hanggang nitong March 2.

Batay sa Department of Education (DepEd), nasa 887,348 mag-aaral sa elementary at high school ang dumadalo sa limited in-person classes.

Ang mga mag-aaral ay sumailalim sa orientation at psycho-social activities sa unang araw ng kanilang pagbabalik paaralan.

Tiniyak naman ng DepEd na ilang paaralan pa ang magpapatupad ng limited in-person classes sa mga susunod na araw.