P69 million na service fee ng DepEd sa PS-DBM para sa pagbili ng overpriced laptops, hindi sulit ayon sa isang senador

126

Kinwestyon ni Senator Sherwin “Win” Gatchalian ang pagbabayad ng Department of Education (DepEd) ng P69 million na ‘service fee’ sa Procurement Service ng Department of Budget and Management o PS-DBM.

Sa nagpapatuloy na pagdinig ng Senate Blue Ribbon Committee ay sinabi ni DepEd Usec. Annalyn Sevilla na nagbayad ng P69 million ang ahensya para sa serbisyo ng PS-DBM sa pagbili ng P2.4 billion na overpriced na laptops para sa public school teachers.

Katwiran ni Sevilla, nakatipid pa umano ang DepEd dahil 3% lang siningil sa kanila na service fee na kadalasan ay nasa 5%.


Mayroon pang dokumento na nakalagay na service fee ay 4% pero ito ay typographical error lamang nang i-check sa PS-DBM.

Pero binigyang-diin ni Gatchalian na hindi “worth it” o hindi sulit ang P69 million na ibinayad ng DepEd dahil hindi naman maayos ang trabaho at serbisyong ibinigay ng PS-DBM lalo pa’t overpriced at napakabagal ng biniling laptops.

Tinanong din ng senador si Sevilla kung kuntento ba sila sa trabaho ng PS-DBM, pero tugon ng opisyal, inilipat nila ang pagbili ng laptops sa PS-DBM dahil nakadepende at tiwala sila sa expertise ng ahensya.



Facebook Comments