Pag-veto ni PBBM sa Bulacan Airport City ecozone bill, isang paraan para maayos ang panukalang batas ayon sa Malacañang‬

228

‪Suportado ni Pangulong Ferdinand “Bongbong” Marcos Jr., ang pagpapatayo ng Bulacan Airport City Special Economic Zone and Freeport.‬
‪ ‬
‪Ito ang nilinaw ni Press Secretary Trixie Cruz-Angeles.‬
‪ ‬
‪Aniya, layunin lamang ng desisyon ng Pangulo na i-veto ang House Bill 7575 ay para maitama ang mga nakitang mga kulang sa panukala.‬
‪ ‬
‪Partikular na aniya rito ang probisyon na nag-eexempt na masilip ng Commission on Audit (COA) ang financial transactions sa special economic zone and freeport.‬
‪ ‬
‪Giit ng Palasyo, kung hindi aamyendahan ang panukala partikular ang mga nakasaad sa veto explanation ay madali itong makukwestyon sa korte.‬
‪ ‬
‪Ipinunto rin ng kalihim na hindi naman maapektuhan ng veto ang mismong pagtatayo ng airport sa Bulacan.‬

Facebook Comments