Pamamahagi ng 62,000 laptops at smart TVs sa mga paaralan, sinimulan na sa kabila ng 10-billion budget cut sa DepEd

Sinimulan na ng Department of Education (DepEd) ang pamamahagi ng mahigit 62,000 na laptops at smart TV sa mga paaralan sa bansa.

Ito ay bagamat tinapyasan ng ₱10-billion ang budget ng DepEd.

Ayon sa Education Department, ang naturang mga laptop at smart TV ay nagkakahalaga ng ₱1.8 billion.

Inaasahang makukumpleto ang pamamahagi nito sa mga eskwelahan sa labing-anim na rehiyon sa bansa sa ikalawang bahagi ng taon.

Kabilang sa mga rehiyon na makakatanggap ng mataas na alokasyon ng ICT equipments ang Region IV-A (CALABARZON), Region VI (Western Visayas) at Region VIII (Eastern Visayas).

Partikular na gagamit ng laptops ang libu-libong mga guro at non-teaching personnel ng DepEd.