Yellow alert sa Visayas Grid, muling itataas dahil sa kakulangan ng reserbang kuryente

Ipatutupad ang yellow alert status sa Visayas grid ngayong Biyernes.

Ayon sa National Grid Corporation of the Philippines (NGCP), ilalagay ang grid sa Yellow Alert bandang alas-5:00 ng hapon hanggang alas-7:00 ng gabi.

Kabilang sa mga nakaapekto sa supply ang pagkawala ng operasyon ng malalaking coal plants na PEDC Unit 3 at KSPC Unit 1, gayundin ang limitadong power import mula Mindanao dahil sa unplanned outage ng FDC Unit 3 at planned outages ng GNPK Unit 4 at TSI Unit 2.

Ayon sa NGCP, nagkakaroon ng yellow alert kapag hindi sapat ang operating margin ng system upang matugunan ang kinakailangang contingency requirement ng transmission grid.