Hindi alam ni dating Special Disbursing Officer Gina Acosta kung bakit siya ang piniling SDO ni Vice President Sara Duterte.
Sa impeachment trial ay tinanong ni Atty. Amando Ligutan kung ano ang qualifications ni Acosta bilang officer at naitalaga siya sa disbursement ng confidential funds ng Office of the Vice President (OVP).
Tugon ni Acosta, nagtapos siya ng Customs Administration sa isang kolehiyo sa Davao pero hindi siya kumuha ng licensure examination.
Kinontra ng defense team ang pagtatanong ni Ligutan dahilan kaya si presiding officer Chiz Escudero na ang nag-interject ng tanong kay Acosta.
Partikular na tinanong ni Escudero na kung walang kasanayan sa confidential funds si Acosta ay bakit ito ang napiling SDO hindi lang ng OVP kundi kahit sa Davao.
Gayunman, sinabi ni Acosta na hindi niya alam kung bakit siya ang kinuhang special disbursing officer ng bise presidente.
