CAUAYAN CITY – INIIMBESTIGAHAN NGAYON NG PHILIPPINE COAST GUARD (PCG) ANG NATAGPUANG PINANINIWALAANG DEBRIS NG CHINESE ROCKET SA BAYBAYIN NG SITIO BIBIGSAN, BARANGAY MINABEL, CAMIGUIN ISLAND, SA BAYAN NG CALAYAN, CAGAYAN.
BATAY SA ULAT NG COAST GUARD INTELLIGENCE UNIT (CGIU) – CALAYAN, ISANG RESIDENTE ANG NAKAKITA NG ISANG PIRASO NG METAL SA PAGITAN NG SITIO NAMBACA, SITIO BIBIGSAN, AT SITIO DAKEL A DANUM.
MATAPOS MATANGGAP ANG IMPORMASYON, AGAD NA RUMESPONDE ANG MGA TAUHAN NG COAST GUARD SUB-STATION (CGSS) CAMIGUIN AT NAKIPAG-UGNAYAN SA MARITIME SAFETY SERVICES UNIT (MSSU) – NORTH EASTERN LUZON, MGA OPISYAL NG BARANGAY, CALAYAN POLICE STATION, AT MUNICIPAL DISASTER RISK REDUCTION AND MANAGEMENT OFFICE (MDRRMO) UPANG MASIGURO ANG KALIGTASAN AT MASIYASAT ANG NATURANG BAGAY.
IPINAG-UTOS NAMAN NG COAST GUARD DISTRICT NORTH EASTERN LUZON (CGDNELZN) SA MARITIME SECURITY LAW ENFORCEMENT COMMAND (MARSLEC) NELZN – CHEMICAL, BIOLOGICAL, RADIOLOGICAL, NUCLEAR, AND EXPLOSIVE (CBRNE) TEAM NA TUMUNGO SA CALAYAN UPANG PANGASIWAAN ANG LIGTAS NA PAGHAWAK AT PAGSUSURI NG DEBRIS.
INATASAN ANG LAHAT NG PERSONNEL NA MAGPATUPAD NG MAHIGPIT NA PAG-IINGAT LABAN SA POSIBLENG PANGANIB NA DULOT NG BIOHAZARD O KEMIKAL. PINAYUHAN DIN ANG MGA MANGINGISDA AT RESIDENTE NA HUWAG LALAPITAN O GAGALAWIN ANG NATURANG DEBRIS HANGGA’T HINDI NATATAPOS ANG PORMAL NA PAGSUSURI.
PATULOY NA BINABANTAYAN NG PCG ANG SITWASYON AT NANGAKONG MAGBIBIGAY NG KARAGDAGANG IMPORMASYON SA SANDALING MAKUMPLETO ANG OPISYAL NA IMBESTIGASYON.
