𝗗𝗥𝗨𝗚 𝗣𝗨𝗦𝗛𝗘𝗥, 𝗛𝗨𝗟𝗜 𝗦𝗔 𝗕𝗨𝗬-𝗕𝗨𝗦𝗧 𝗢𝗣𝗘𝗥𝗔𝗧𝗜𝗢𝗡 𝗦𝗔 𝗦𝗔𝗡𝗧𝗜𝗔𝗚𝗢 𝗖𝗜𝗧𝗬

Cauayan City – Naaresto ang isang hinihinalang tulak ng ilegal na droga matapos ang isinagawang buy-bust operation ng pinagsanib na puwersa ng mga awtoridad sa Purok 1, Barangay Ambalatungan, Santiago City.

Kinilala ang suspek sa alyas na “Dan Dan,” 46-anyos at residente ng Sinamar Sur, San Mateo.

Nakumpiska mula sa suspek ang isang maliit na heat-sealed plastic sachet na naglalaman ng hinihinalang shabu na may tinatayang timbang na 0.6 grams at tinatayang halaga na P4,080.

Narekober din ng mga awtoridad sa pag-iingat ng suspek ang buy-bust money at isang cellphone.

Mahaharap ang suspek sa kasong paglabag sa Section 5, Article II ng Republic Act 9165 o Comprehensive Dangerous Drugs Act of 2002.