Sa panayam ng IFM News Dagupan, sinabi niyang mag-iisang linggo na silang pansamantalang naninirahan sa evacuation center kasama ang kanyang pamilya kaya pagbebenta ang isa sa nakikita niyang mapagkakakitaan at makalikom ng budget sa kanilang pang araw-araw, bukod pa sa mga ipinamamahaging relief packs at pagkain ng awtoridad.
Isa ang pamilya ni Aleng Virginia sa 250 pamilyang nag-evacuate sa Calasiao Sports Complex, ayon sa datos ng Municipal Social Welfare and Development Office (MSWDO) noong Setyembre 4.
Nagkakaroon ng iba’t ibang aktibidad sa loob ng center katulad na lamang ng film viewing at lectures ukol sa pangangalaga sa kalikasan at seguridad.
Ayon sa MSWDO, habang naninirahan sa evacuation centers ang mga evacuees, sinisiguro nilang nagiging responsable ang mga gumagamit nito, habang pinangangalagaan ang kapakanan ng mga pamilya. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
