Mag igsuon gikulata ug gidunggab

14

Davao City – Bun og ug samad dinunggaban ang naangkon sa duha ka managsoon human kini gipareglahan sa duha ka mga tambay diha sa may Tugbok ning syudad.

Mga biktima naila sa pangalang Renzal ug Steven Jay Bag-ao pulos hamtung ang pangidaron ug nagpuyo sa may Purok 3 Barangay Valencia Tugbok District ning siyudad.

Subay sa report bandag ala una na sa kaadlawn nakauli kining mga biktima ug kalit lang giduol sa duha ka mga suspek nga naila nga sila si Alvin Ramos Abanto ug si Charles John Rivera Abanto.

Matod pa, nangutana ang mga suspek sa mga biktima kung taga asa kini dayon gikulata ug gi dunggab igo sa tiyan si si Renzal gamit ang usa ka ice pick.

Dali misibat sa wala matino nga direksyun ang mga suspek apan kagahapong adlawa nasikop na sa kapolisan sa tugbok kining si Alvin Ramo Abanto samtang ginalusad pa sa kapolisan ang manhunt operation batok ngadto sa lain pang suspek.

Posibleng mag atubang og kasong frustrated homicide ang maong dinakpan.

RadyoMaN Paul Canono

Facebook Comments