Nadagdagan ang suportang pangkabuhayan ng pamahalaan sa mga tricycle operator at driver sa Bayambang matapos makatanggap ng tig-₱10,100 ang 500 miyembro ng Tricycle Operators and Drivers Association (TODA) sa ilalim ng programang Tulong Panghanapbuhay sa Ating Disadvantaged/Displaced Workers (TUPAD) ng Department of Labor and Employment (DOLE).
Isinagawa ang payout sa pangunguna ng Department of Labor and Employment–Central Pangasinan Field Office (DOLE-CPFO), katuwang ang Public Employment Service Office (PESO)-Bayambang at Municipal Treasury Office.
Sa pamamagitan ng programang ito, nabibigyan ng agarang suporta ang mga benepisyaryo habang nagsisikap silang makahanap ng mas matatag na hanapbuhay.
Inaasahang magagamit ng mga tumanggap ng ayuda ang kanilang natanggap na kabayaran sa pang-araw-araw na gastusin ng kanilang pamilya, kasabay ng patuloy na pagpapatupad ng mga programang naglalayong mapalakas ang kabuhayan ng sektor ng transportasyon sa Bayambang. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
Facebook Comments
