Hinihikayat ni Presidential Adviser on Entrepreneurship Joey Concepcion ang pamahalaan na ipatupad na ang pagre-require sa pagkakaroon ng COVID-19 booster cards sa lahat ng indibidwal na papasok sa enclosed establishments simula sa Hunyo.
Ayon kay Concepcion nabigyan na nang sapat na panahon ang publiko para magpa-booster shot.
Sa katunayan, may 2 buwan pa ang publiko para magpa-booster shot gayung libre naman itong ipinagkakaloob ng pamahalaan.
Paliwanag ni Concepcion, napapanahon na para ito iimplementa dahil nananatili parin ang banta ng COVID-19 at mga bago nitong variants.
Aniya, ito rin ang solusyon upang hindi magkaroon ng vaccine wastage ang bansa.
Facebook Comments
