Pinuri ng DCPO ang pamumuno ni PCPT Christopher E. Agnote, Station Commander ng Police Station 1, matapos makuha ng kanilang unit ang unang pwesto sa naturang kompetisyon.
Ipinakita umano ng Police Station 1 ang mahusay na operasyon, epektibong mga estratehiya sa pag-iwas sa krimen at aktibong pakikipag-ugnayan sa komunidad sa kanilang nasasakupan.
Ayon kay PCOL Arnold P. Solomon, City Director ng DCPO, sumasalamin ang tagumpay ng Police Station 1 sa dedikasyon, pagtutulungan at serbisyong inilalaan ng mga tauhan nito sa mga Dagupeño.
Iniugnay din niya ang pagkilala sa DCPO BANGUS initiative, na nakatuon sa mabilis, maaasahan at may integridad na serbisyo, alinsunod sa Enhanced ALERTO Framework ng Police Regional Office 1 at sa adhikain ng PNP para sa isang “Bagong PNP para sa Bagong Pilipinas: Serbisyong Mabilis, Tapat, at Nararamdaman.”
Hinimok naman ang iba pang tauhan ng DCPO na ipagpatuloy ang mataas na pamantayan sa public safety, operational readiness at integridad sa pagpapanatili ng kapayapaan at kaayusan sa lungsod. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
